عبثيات: خطوات بداية السنة الجديدة (2021) بطريقة مثالية وفعالة 

31/12/2020

 2020 خلصت بكل الحلو والوحش اللي حصل للعالم فيها واللي حصلك إنت بالتحديد فيها، ومع بداية 2021 هتبدأ سنة جديدة بطموحات وأهداف وأحلام جديدة فيه منها اللي هتعرف تحققه ومنها اللي هتأجله لبعد كده.

وبما إن النهاردة أول يوم في السنة الجديدة 2021 اعرف الطريقة المثالية اللي تبدأ بيها السنة الجديدة:

1- اصحي بدري شوية واقعد مع نفسك فكر في اللي حصل السنة اللي فاتت والدروس المستفادة اللي طلعت بيها من السنة 

2- هات ورق وقلم واكتب فيها الأهداف اللي وصلتله في 2020 وإيه اللي حققته ومحتاج تحقق إيه في 2021 وأهم حاجة الورق يبقى كبير 

3- وبما إن السنة الجديدة هتبدأ يوم جمعة، هتلاقي بعد كده ريحة فول وطعمية سخنة وبسمسم وبطاطس محمرة داخلين عليك، أول ما هتشمهم هتطمن على نفسك طبعا وخصوصا لو دوقتهم ولقيت طعمهم حلو هتطمن أكتر.

4- خد الورق اللي كتبت عليه الأهداف اقلبه على ضهره وطلع عليه البطاطس المحمرة أو حطه تحت الطعمية، وافطر فطار الجمعة المتين ونام.. وفكك بقى من الإيجابية دي عشان الشخص الإيجابي خطر اليومين دول وبيعمل قلق

Comments: