انا ليه بحترم المرض؟ | تجارب حياتية

05/01/2021

كتب: محمد إنسان

عزيزي القارىء أهلًا بيك..

في الفترة الأخيرة المرض انتشر بينا خصوصًا مع انتشار فيروس كورونا في العالم كله.. وتقريبًا مفيش حد إلا وشاف مريض في الدايرة بتاعتها سواء كان من أهله أو أصدقائه أو زمايله في الشغل..
الوضع ده بيخلينا نفكر كتير ونعيد ترتيب حسابتنا.. وانا بالفعل عملت كدة ودخلت في فترة كبيرة من التفكير مع نفسي.. وخلال فترة التفكير دي اكتشف حاجة ماكنتش متخيل إنها تحصل.. وهي إني بحترم المرض جدًا! أيوه ده حقيقي المرض السبب في وجع قلوبنا على أحب ما لينا أنا اكتشفت إني بحبه.. ودي أسباب احترامي للمرض:

- بنعرف فيه اننا أضعف مما نتخيل.. وان مهما قوينا وعلينا ممكن شوية مرض يحبسونا كلنا ويقعدونا فى السرير.. وان ربنا وحده هو القوي.

- بنعرف فيه قيمتنا عند ناس كتير اوي.. وبنقرب فيه من كل اللى بيحبونا وبنحبهم.

- لو قولتلك ان المرض بيزوّد معزة الناس فى قلوب بعض مش هتصدقني.

- المرض بيخلينا نتأمل فى - شكل حياتنا - كنا عايشين إزاي وعلاقتنا بربنا كانت إزاي وعلاقتنا بـ أهلنا وصحابنا والناس.

- المرض بيعرفنا قيمة الصحة وقد إيه ربنا فضله كبير علينا ومعيشنا أصحاء .. وبيحسسنا بمعاناة المرضى وإرادتهم.

- مرض الجسد بيساوي المرض النفسي من وجهة نظرى وان ماكنش أصعب منه.. لأن الجسد اما بيمرض الانسان بيحس نفسه ضعيف.. غير قادر على بذل مجهود - عاجز - وده فى حد ذاته كفيل انه يجيبلك جميع الأمراض النفسية اللي فـ الدنيا.

Comments: