اعرف نوع شخصيتك من شكل مناخيرك 

11/01/2021

من فترة كده اكتشف العلماء والباحثين إن فيه أكتر من 14 نوع مختلفين من المناخير في أوروبا وفي منطقة البحر المتوسط، وده خلى علماء تانين يتسألوا عن علاقة المناخير بنوع الشخصية، ويمكن يبقى نوع مختلف وغريب من الربط ولكن أغلبنا بيحب يعرف أي حاجة عن شخصيته من خلال أي علامة فيه، عشان كده موقع Bright side كتب في واحد من مقالاته العلاقة بين نوع مناخيرك وشخصيتك وقال إن فيه 12 نوع مناخير بشخصيات مختلفة وهما:

1- المناخير الروماني:

الأشخاص اللي عندهم المناخير الروماني واللي هي بتبقى ممدوده  وطرفها مايل لتحت شوية من قدام، بيبقوا أشخاص شجعان وقادرين ياخدوا قرارات وبيفكروا في الحياة عموما بوضوح، وأشخاص طموحة وبيحبوا التحدي، وحياتهم بتتحسن لما بيوصولوا لسن منتصف العمر.

2- المناخير القصيرة:

بشكل شائع الأشخاص اللي مناخيرهم بتبقى قصيرة بيبقوا بيعانوا من مشاكل احترام الذات، وغالبا ما بيعبروا عن أراءهم بشكل مش قاطع وبيحبوا الحرية جدا لكن برضه أشخاص غيورة.

3- مناخير النسر:

المناخير دي بتقول إن الشخص ده بيحب النظام واستراتيجي وبتبقى علامة إن الشخص ممكن يبقى رائد أعمال وعاقل بشكل كبير ده غير إنه بيبقى شخص حمول

4- المناخير المسطحة:

النوع ده من المناخير اللي هو بيكون شبه المناخير الصغيرة بس طرفه مرفوع شوية لفوق وبتكون فتحتين المناخير واضحين، بيميل أصحابه لصعوبة الوصول للنضج الروحي، لكن بيدعوا أغلب الوقت إنهم فاهمين وعارفين العالم وكل الناس لكن هما في الحقيقة مش مهتمين بكل ده، وده بيوقعهم في مشاكل كتير.

5- المناخير العالية:

هي شبه المناخير المسطحة ولكن مرفوعة أكتر من طرفها، وأصحابها بيميلوا إن شخصياتها تكون عميلية ومتزنة وموثوق فيهم.

6- المناخير اليوناني:

أصحابها شخصيتهم يتميل إنها تبقى بتفكر بوضوح وتسامح، وبفضلوا ورا خططهم لحد ما تتحقق وبيحبوا الفن، وغالبا ما بيكون الرجالة اللي مناخيرهم يونانية أصحاب مناصب في الإعلام أو بيديروا حاجة تجارية أو بيكرسوا حياتهم للفن، لكن الستات أغلبهم بيشتغلوا يا سكرتيرات أو عارضات أزياء.

7- المناخير الخطاف:

النوع ده من شكل المناخير منتشر عند الأشخاص اللي بيتطلعوا لتحقيق النجاح، وخصوصا الستات اللي عندهم النوع ده من المناخير ممكن يتفقوا في الدراسة وبيطوروا نفسهم بسرعة عشان يلاقوا فرص شغل أحسن.

8- المناخير التخينة:

النوع ده من المناخير بيكون منتشر أكتر عند الرجالة، غالبا ما بيكونوا كرما وعاطفيين وحساسين لكن برضه بيبقوا حذرين وبيحبوا يغامروا، وفي حياتهم الخاص بيبقوا على استعداد يساعدوا الناس، وبالنسبة للستات عندهم مهارات كبيرة في البيت وفي المجالات التانية اللي ليها علاقة بنفس المجال زي إدارة الفنادق

9- المناخير الغير منتظمة:

بيشير النوع ده من المناخير للشخصية القوية والعنيدة من الناحية النظرية لكن في الواقع بمجرد تجاوز النقطة دي فهما أشخاص كريمة جدا ومعطاءه 

10- المناخير المسطحة:

بتشير الأنف المسطحة إن الناس عندها أنواع كتير من المهارات وإنهم بيحبوا الاستمتاع وحتى لو ماكنتش تعرفهم كويس فهما عندهم منظور متشائم عن الحياة.

11- المناخير الضيقة:

من ضمن صفاتهم هي الثقة بالنفس ولكن عادة ما بيكونوا ضعفاء ولكن بيحبوا يعندوا وعندهم اهتمام خاص بالمواضيع الروحية.

12- المناخير العالية:

عادة ما بيكون الأشخاص اللي مناخيرهم عالية  بيفهموا بشكل كويس في الفن وعلم الجمال وبيكونوا فخورين بنفسهم، وبيقدروا الوقت اللي بيقعدوه لوحدهم في عزلة 

Comments: