هل الناس اللي حواليك أصليين ولا مستبدلين؟ تعرف على متلازمة كابجراس!

11/01/2021

متلازمة كابجراس هي حالة نفسية، وليها اسم تاني زي imposter syndrome، أصحاب المتلازمة دي بيكون عندهم اعتقاد غريب جدا وهو إن شخصا ما يعرفوه تم استبداله بشخص تاني "محتال" على سبيل المثال إن أخوك أو صاحبك اللي من أيام الحضانة مش هو اللي عرفتوه زمان، وإنه مستبدل بشخص تاني وقد يكون محتال!

وفي حالات أخرى الموضوع بيوصل للحيوانات أو أي شيء تاني، الموضوع منتشر أكتر عند السيدات وفي حالات نادرة بيصيب الأطفال.

طيب إيه سبب المتلازمة دي؟ 
حسب موقع healthline، المتلازمة مرتبطة بمرض الزهايمر، واللي بيأثر على الذاكرة وإحساسك بالواقع، وأحيانا الفصام بيسبب نوبات من متلازمة كابجراس، لإن الفصام بيأثر على إحساس الشخص بالواقع وبيسببله أوهام.

النظريات حوالين أسباب المتلازمة متعددة، الباحثين بيعتقدوا إنها ناتجة عن مشكلة في الدماغ زي ضمور أو خلل، والبعض الأخر بيعتقد إنها مشكلة في معالجة المعلومات وخطأ في الإدراك.

طيب إيه علاج مرض زي ده؟
حسب موقع healthline مفيش حاليا خطة علاج للمصابين بالمتلازمة دي والموضوع محتاج أبحاث أكتر بس في خيارات علاجية ممكن تساعد في تخفيف الأعراض، زي لو شخص مصاب بالفصام فا علاج الفصام هيحسن من حالته وهيخفف عنده أعراض متلازمة كابجراس، وكذلك لو حصلت المتلازمة مثلا مع مرض الزهايمر.

والعلاج الأكثر فعالية هو إن المصاب يكون مع ناس في بيئة إيجابية وحاسس فيها بالأمان.

وأحيانا العلاج بيكون عن بعض الأدوية بتاعت الزهايمر أو الفصام، وبعض الوقت بيكون في تدخل جراحي خصوصا لو المتلازمة سببها إصابة في الدماغ.

Comments: