جليتش الـStim رجع في Warzone!

11/01/2021

  

كتب: محمود عادل

محدش يقدر ينكر أن Warzone من أفضل الباتل رويل اللي ممكن تلعبها من كل النواحي تقريبا، ولكن للأسف الشديد شركة Activision وشركة Raven Software معندهمش خطة واضحة لمواجهة الغش اللي بيحصل في اللعبة، سواء كا لاعب بيستخدم هاك أو جليتش، وفي الفترة الأخيرة ظهرت جليتش الـ stim "ومش هنشرح الجليتش عشان إحنا مش بنشجع الغش" وكان تم معالجته ولكن من الواضح إنه رجع تاني مؤخرا وده بسبب فيديوهات كتير انتشرت للاعبين كانوا وصلوا لأخر zone في اللعبة ولكن مكنوش بيلاقوا أي لاعبين يدخلوا fight معاهم.

الجليتش ده كان بيخليك تمتلك عدد لا نهائي من الـstim أو الحقنة اللي بتعلي الـ health بتاعك في اللعبة، وده كان بيخلي الناس تستخبى في الـzone وتفضل شغالة بالـstim لحد ما كل باقي اللاعبين يموتوا وبكدة يكون اللاعب الغشاش كسب.

January 2021 and there is still a way for rats to hide in the gas forever and get free wins? from r/CODWarzone

وكان في جليتشات تانية في اللعبة زي جليتش الاختفاء أو جليتش الـloudout.

  

Comments: