اعرف شروط إحلال عربيتك القديمة بواحدة جديدة

11/01/2021

كتب: محمود عادل

وزارة التجارة والصناعة أطلقت مبادرة لإحلال العربيات القديمة واللي  بتستهدف تحويل 55 ألف عربية ملاكي وأجرة خلال 2021 فقط.

المبادرة بتيحلك إحلال عربيتك القديمة "لحد موديل 2001 بس" بعربية جديدة بحافز مادي بيوصل لـ60 ألف جنيه مصري زي مقدمة للسيارة 

فا لو عايز تعمل إحلال لعربيتك الملاكي، شوف الخطوات والمستندات المطلوبة:

- ميقلش عمر المتقدم عن 21 سنة ولا يزيد عن 55 سنة
- يكون معاه رخصة قيادة سارية
- يتعهدوا إنهم يلتزموا بأداء المبلغ المستحق على عربيتهم وفقا لشروط السداد وإثبات القدرة المالية للسداد سواء ببيان دخل شهري أو سندات ملكية أو وديعة
- فترة السداد بتوصل لـ120 شهر متضمنة بحد أقصى فترة سماح 3 أشهر.

المستندات المطلوبة:

- صورة بطاقة الرقم القومي للمستفيد والضامن
- تقديم مستندات إثبات محل الإقامة للمستفيد والضامن زي "عقد إيجار - إيصال كهرباء أو تليفون أو مياه معداش عليه أكتر من 3 شهور"
- رخصة سارية للسيارة القديمة المطلوب إحلالها.

قائمة بالعربيات الملاكي الجديدة ضمن المبادرة حسب موقع صدى البلد:

- هيونداي ألنترا (236 ألف جنيه) 
- هيونداي أكسنت (209 ألف جنيه)
- نيسان صني (179 ألف جنيه)
- نيسان سنترا (266 ألف جنيه)
- شيفروليه أوبترا (204 ألف جنيه)
- أم جي 5 (216 ألف جنيه)
- لادا جرانتا (143 ألف جنيه)
- بي واي دي F3 (168 ألف جنيه) 
- سوزوكي ديزاير (204 ألف جنيه)
- فيات دوبلو (319 ألف جنيه)

وتقدر أكتر عن لمبادرة عن طريق الاتصال بالخط الساخن 16733 أو من خلال الموقع الإلكتروني الخاص بالمبادرة

Comments: