إيه اللي حصل لليوتيوبر "أم سيف"؟

12/01/2021

نشرت اليوتيوبر السورية "أم سيف" المقيمة في تركيا فيديو يوم الأحد 10 يناير فيديو مدته 30 ثانية بتعلن فيه إنها هتعتزل اليوتيوب فجأة وبتودع جمهورها وبتقول إن ده هو آخر فيديو ليها

الفيديو حصل على أكتر من 7 مليون مشاهدة وتصدر التريند في موقع يوتيوب والبحث بإسم "أم سيف" بقى تريند على موقع جوجل والسبب إنها في آخر الفيديو عملت حركة بإيدها فسرها كتير بإنها في خطر وبتطلب المساعدة

مع ملاحظة بعض المشاهدين توترها ووجود كدمة في معصم ايدها وكدمة بجانب الفم وسماع صوت صراخ مكتوم في الثانية الـ20 من الفيديو واللي فسره كتير إنه صوت أختها "نانو" المقيمة معاها في البيت

أم سيف أطلقت قناة اليوتيوب الخاصة بيها في  شهر أكتوبر سنة 2017 وفي البداية كانت بتنشر يومياتها بعدها خصصت القناة لفيديوهات لعبة PUBG وبيتابع القناة أكتر من خمسة مليون شخص

تحليلات كتير ظهرت خلال اليومين اللي فاتوا عن مصير أم سيف، ناس بتقول اتقتلت هي وأختها، وناس بتقول اتخطفوا واتعرضوا لتهديد، وناس بتقول إن ده مقلب عشان يزودوا نسبة المشاهدات

بس لحد دلوقتي مفيش بيان رسمي من السلطات التركية عن وضعهم، أو أي تصريح من أسرة "أم سيف".

Comments: