ماذا يعني أن تكون شخصًا "أتنشن"؟

21/01/2021

كتب: محمود عادل

الشخص الأتنشن هو شخص يبحث عن اهتمام ويقدر يكسب اعجاب الناس اللي حواليه، وبيعمل ده عن طريق إنه يقول أو يعمل حاجة بتهدف لجذب انتباه شخص واحد أو مجموعة.

تعرف إزاي إن الشخص ده "أتنشن"؟

- دكتور الجامعة اللي بيقعد يحكي عن إنجازاته وسفرياته عشان الناس تجامله وتقوله واو أنت إزاي جامد كدة!

- ومش بس كدة.. بيبالغوا كمان في القصص اللي بيحكوها ويحاولوا يضيفولها حاجات جدعنة من عندهم يا إما عشان الناس تمدحهم أو تتعاطف معاهم.

طيب ليه الشخص "الأتنشن".. بيكون "أتنشن"؟

زي ما قولنا فوق إن الشخص ده بيدور على الاهتمام وده بسبب 3 حاجات رئيسية حسب موقع healthline:

- الغيرة: الشخص الأتنشن بيطلب اهتمام لما بيحس إن حد واخد الاهتمام أكتر منه.

- مفيش تقدير للذات: الشخص الأتنشن بيعتقد إنه بيتم تجاهله ومحدش مهتم بيه، وعشان الاحساس ده يروح بيحاول يعمل كل حاجة عشان يرجع ياخد اهتمام وده بيخليهم يحسوا بالاطمئنان

- حاسس بوحدة: أحيانا حتى لو شخص مش متعود إنه يجذب الانتباه، بيعملوا ده لما بيحسوا بالوحدة.

طيب هو الشخص اللي بيبحث عن اهتمام محتاج يروح لدكتور؟

وفقا لموقع healthline: أه هو محتاج دكتور خصوصا لو السلوك ده مستمر طول الوقت، لإن بعد كدة هيبقى شخص مؤذي.

Comments: