٧ أسباب يخلوك تستحمى بمياه ساقعة في الشتاء

21/01/2021

بس لمجرد إنك تفكر إنك هتستحمي بمياه ساقعة في الشتا وهي مجرد فكرة ممكن تخليك تقشعر، خصوصا لما تبدأ درجة الحرارة تقل بالشكل اللي إحنا فيه ده، لكن حاول لو في يوم السخان باظ عندك تجرب تستحمي بمياه ساقعة وهتعرف قد إيه المياه الساقعة في بداية يوم في الشتا صحية ليك.

أغلب الثقافات القديمة كانوا بيستحموا بمياه ساقعة زي الإغريق و الاسكندنافيون، وفيه بعض الناس بيستحموا بمياه سخنة بعد كده يدرجوا المياه لحد ما يصدموا جسمهم بمياه ساقعة قبل ما يخرجوا من الحمام على طول، لإن ده بيبقى مفيد ليهم ولجسمهم.

حسب ما قال موقع "hindustantimes" إن المياه الساقعة في الاستحمام مفيدة أكتر وقال كمان الأسباب على لسان دكاترة متخصصين زي دكتور محسن والي دكتور القلب والطبيب الفخري السابق لرئيس الهند ، والدكتور "فيناياك أبوت" دكتور العلاج الطبيعي، والأسباب هي:

1- بتحسن الدورة الدموية:

الاستحمام بمياه باردة بيخلي الدم يتنقل للأعضاء يبقى دافئ، لكن الاستحمام بالمياه الساخنة بيخلي الدم يتحرك لسطح الجلد، وده غير إن الاستحمام بالمياه الساقعة بيخلي الشرايين أقوى وبيخفض ضغط الدم.

2- مفيد للجلد والشعر:

المياه الساخنة هي سبب جفاف الجلد واللي بتسبب الهرش في فروة الرأس والطفح الجلدي، والاستحمام بالمياه الساقعة بيشد الجلد والمسام، وبيمنعها تتسد، وممكن كمان يسبب انسداد في الجلد وفروة الرأس، لكن المياه الباردة بتخلي الشعر بيلمع أكتر وبتنضف البشرة عشان بتجردها من الزيوت الطبيعية.

3- مناعة أحسن:

وفقا للدراسات، فالأشخاص اللي بيستحموا بمياه باردة عندهم نسبة أعلى من خلايا الدم البيضاء، لإن جسمهم بيحاول يدفي نفسهم وقت الحمى بالمياه الباردة فخليا الدم البيضاء بتزيد وبيتم تنشيط جهاز المناعة.

4- انتعاش العضلات:

السبب الرئيسي اللي بيخلي الرياضيين يستحموا بمياه باردة بعد التمرين هو إن المياه الباردة بتساعد على تحفيف آلام العضلات، وبتساعد على منع آلام العضلات المتأخرة.

5- بيزود النشاط:

الاستحمام بالمياه الباردة بيزود من الأكسجين في الجسم، وبيخلي الدم يندفع للرأس، عشان كده بيزود طاقة الشخص طول اليوم، وبيخليه في حالة تأهب.

6- بيحارب الاكتئاب:

بسبب التأثير الكبير على مستقبلات البرد على الجلد وقت الحمى بالمياه الباردة، فالجسم بيبعت عدد كبير من نبضات الكهرباء من النهايات العصبية للدماغ، وبينتج عنها مضاد للاكتئاب، وبتعدل المزاج وبيكون ليها تأثير المسكن على الجسم.

7- بيخفف التوتر:

ده غير كمان إنه ممكن يزود قدرة تحمل الجسم للإجهاد لإنه بيزود إنتاج الجسم للـ"جلوتاثيون" وهو واحد من مضادات الأكسدة اللي بيحافظ على أداء مضادات الأكسدة بأعلى مستويات ليها في الجسم.

لو إنت مش متعود إنك تستحمى بمياه ساقعة وبتستحمى بمياه سخنة كل يوم عود جسمك واحدة واحدة كل يوم قلل درجة حرارة المياه شوية وهتتأقلم مع الوقت، لكن برضه خد بالك لو إنت بتعاني من أي مرض من الأمراض دي "مرض قلبي. -ضغط دم مرتفع. - الشعور بالحمى الزائدة أو الحمى." عشان ماتتعبش جسمك أو تتعب من المياه الساقعة أو اسأل دكتور الأول.

Comments: