إزاي إعلان فودافون "مجتمع الفليكساوية" انتشر وعلق معانا بالسرعة دي

24/01/2021

إعلان فودافون الأخير "مجتمع الفليكساوية" حقق انتشار واسع على السوشيال ميديا وكان رد فعل الجمهور عليه بيدل إن الإعلان عجبهم ووصل لقلبهم بسرعة، ويمكن ده لكذا سبب ركز عليه صناع الإعلان زي إنهم استهدفوا فئات ومهن مختلفة عن طريق استخدام أبطال الإعلان عشان يأكدوا إن فودافون قادرة تخدم كل الفئات بغض النظر عن اختلافاتهم فهي قادرة توصل لكل الناس وتلبي احتياجاتهم عن طريق نظام "فليكس" اللي خدماته مناسبة لكل المصريين واللي فعلاً بيستخدمه حوالي 20 مليون مصري حاليًا 

من ضمن الأسباب اللي خلت الإعلان يوصل لناس أكتر هو التنوع بين النجوم وعنصر المفاجأة في الإعلان، وإن فيه مزيج غير متوقع وأنت بتتفرج لأول مرة على الإعلان.. يعني في الأول بيظهر محمد سعد بعد كده دينا الشربيني وبعدها أبيوسف، وكل نجم منهم له جمهوره المختلف، محمد سعد نجم كوميديا الألفينات أغلب المصريين بيحبوه وحافظين أفلامه وإفيهاته ومعلم معانا لحد دلوقتي في عالم السوشيال ميديا مع الأجيال الجديدة بالكوميكس والميمزعلى مشاهده من الأفلام وكمان سعد ظهوره نادر جدًا في الإعلانات  فكانت مفاجأة كبيرة إن جمهوره يشوفه راجع تاني ومع شركة كبيرة زي فودافون، ودينا الشربيني من أكتر الممثلات اللي بيحبها أغلب الشباب الفترة دي، وأبيوسف مغنى التراب اللي مهتم بأغانيه عدد كبير من الشباب حالياً وخاصة الطلاب والأعمار الصغيرة.

ومن خلال التنوع والاختلاف اللي عكسهم أبطال الإعلان والشخصيات المختلفة اللي قاموا بتمثيلها وضح الإعلان إن نظام فليكس خصوصا وشبكة فودافون عموما هي شبكة للكل وإن عملاء فودافون عبارة عن أسرة واحدة.

إعلان فودافون كمان غرضه الأساسي إنه يعرض ميزة كبيرة هتتم على نظام فليكس وهي إن الفليكس الواحد هيساوي دقيقتين لأي رقم فليكس وده معناه إن عدد الفليكسات هيتضاعف لعملاء فودافون اللي على نظام "Flex"، وده طبعا بيشمل كل الناس الموجودة على النظام باختلاف أعمارهم وفئاتهم.

الإعلان بيثبت إنك تقدر توصل للمصريين دايمًا لو ظبطت معادلة المزيج بين الفن والترفيه والتكنولوجيا وده اللي ظهر في إخراج وتصوير الإعلان بالانتقال السلس والذكي بين كل مشهد والتاني بطريقة ممتعة جدًا بصريًا وإيقاع سريع قدر يجمع أغلب أفراد عيلة فودافون في دقيقة ونص بس!

Comments: