في يومه العالمي.. تعرف على أعراض مبكرة للسرطان وأنواعه

03/02/2021

كتب: محمود عادل

4 فبراير هو يوم للوقوف عند مرض خطير زي مرض السرطان وتذكر أهميته، وكمان للتوعية بالمرض ده ومنع حدوث ملايين الوفيات كل سنة، ولأن مرض السرطان هو ثاني سبب رئيسي للوفاة حسب منظمة الصحة العالمية وحسب موقع Healthline، أحيانا المرض بينتشر بدون سابق إنذار ولكن ساعات بيظهر علامات تحذيرية، ولو تم اكتشاف المرض بدري، كانت فرص النجاة أفضل.

السرطان له أنواع مختلفة حسب موقع healthline، ولكن سرطان الثدي والرئة هما الأكثر شيوعا:
- سرطان المثانة
- سرطان الكلى
- سرطان الدم
- سرطان الكبد
- سرطان الجلد
-سرطان البنكرياس
- سرطان البروستاتا
- سرطان الغدة الدرقية

فقدان الوزن: هو من أحد علامات الاصابة السرطان لإن الخلايا السرطانية بتهاجهم الخلايا السليمة، ولذلك بيحصل فقدان للوزن، أحيانا ده ممكن يحصل بسبب حالات صحية أخرى زي نشاط الغدة الدرقية، ولكن الفرق إن فقدانه بسبب السرطان بيحصل فجأة، ووفقا لجمعية السرطان الأمريكية، عدد من الأشخاص بينقصوا 4 كيلو بشكل مفاجئ، وده بيكون أكتر في أنواع سرطانات معينة زي المرئ والرئة والبنكرياس والمعدة.

الحمى
عادة بتكون الحمى رد فعل الجسم لوجود عدوى أو مرض، وغالبا المصابين بالسرطان بيعانوا من الحمى كعرض، وده بيكون علامة على إنتشاره أو إنه في مرحلة متقدمة، وأحيانا بتكون من الأعراض المبكرة بس بتحصل أكتر للمصابين بسرطان الدم "اللوكيميا" أو سرطان الغدد الليمفاوية.

فقدان الدم
بعض أنواع السرطان بتسبب نزيف بشكل كبير، زي سرطان القولون أو المستقيم في ظهور دم في البراز، وأحيانا في البول عند الاصابة بسرطان البروستاتا أو المثانة.

تعب وألم
أحيانا بيكون التعب اللي ملوش أي سبب علامة على اصابة بالسرطان، وهو كمان أكتر الأعراض المعروفة، يعني لو التعب مش بيختفي من بعد راحة طويلة أو نومة كويسة، فا كدة بيكون في احتمال على وجود سرطان، وكمان وفقا لجمعية السرطان الأمريكية، فا التعب ممكن إنه يكون مرتبط بفقدان الدم من أنواع مختلفة من السرطان.

السعال المستمر
معروف إن السعال أو الكحة ليها أسباب كتير زي البرد والحساسية لإن دي بتبقى طريقة جسمك عشان تتخلص من مواد جسمك مش عايزها، ولكن ساعات بتكون علامة على سرطان الرئة أو الغدة الدرقية لو الكحة استمرت لفترة طويلة حتى بعد اخذ العلاج، ولو السعال بدء يسببلك بحة في صوتك وفي حالات المرض فيها اصبح متقدم، السعال بيكون دم.

تغيرات في الجلد
التغيرات الجلدية بتحصل مع الاصابة بسرطان الجلد، يعني بتبدء تظهر شامات ويحصل تضخم وبعض التغيرات المعينة ممكن تعرفك على الاصابة بسرطان من نوع مختلف، يعني زي البقع البيضاء في الفم بتبقى دليل على الاصابة بسرطان الفم، أو وجود كتل تحت الجلد بتبقى دليل على سرطان الثدي، وأحيانا السرطان تغيرات جلدية تانية زي زيادة نمو الشعر وفرط التصبغ أو بقع داكنة أو اصفرار في العيون والجلد أو احمرار أو تقرحات.

تغيرات في الهضم
بعض أنواع السرطان بتسبب مشاكل زي صعوبة في البلع أو فقدان شهية أو ألم بعد الأكل، وأحيانا في أعراض زي عسر الهضم والغثيان والقيء والانتفاخ بتبقى مرتبطة بالاصابة بسرطان المعدة وبيتم كمان ربط مشكلة بلع الطعام بسرطانات مختلفة زي سرطان المريء

التعرق بليل
العرق بشكل غزير ممكن يبقى علامة على مرض غير السرطان، ولكن ممكن في نفس الوقت يكون علامة على الاصابة بسرطان الدم أو الغدد الليمفاوية وسرطان الكبد.

ولكن حتى بعد كل الأعراض دي، أحيانا بيكون في اصابة بدون أعراض، زي سرطان البنكرياس أو سرطان الرئة اللي أعراضه خفيفة زي الكحة، أو زي سرطان الكلى اللي أعراضه مش بتبقى ملحوظة.

ولذلك الكشف المبكر والتعامل مع العلامات التحذيرية اللي ذكرناها فوق بيحسن الفرص في الشفاء، بنتمنى الشفاء لكل الأبطال المحاربين لهذا المرض.

Comments: