لقاح جديد طورته شركة جونسون آند جونسون أسهل في التخزين والتسليم

03/02/2021

طورت شركة "جونسون أند جونسون" لقاح جديد لفيروس كورونا، واللقاح عبارة عن جرعة واحدة بس، واثبت فاعليته بنسبة تتراوح من 66% لـ 72% في التحصين من الإصابة بالفيروس والحماية من الوفاة بسبب الفيروس، وده بناءاً على تجارب سريرية قامت بيها الشركة.

وبالمقارنة باللقاحات الجرعة الواحدة زي اللي صنعته شركة "يانسن" البلجيكية للأدوية فلقاح الشركة البلجيكية أقل كفاءه في الوقاية من سلالة الفيروس اللي ظهرت مؤخرا في جنوب أفريقيا.

لكن شركة "جونسون اند جونسون" بتدرس إمكانية الحصول على جرعتين من اللقاح عشان الشخص يقدر يحصل على حماية لمدة أطول، وبتستهدف الشركة إنتاج مليار جرعة من اللقاح حول العالم.

ده غير إن بريطانيا طلبت من "جونسون أند جونسون" دفعة من اللقاح ده كميتها حوالي 30 مليون جرعة، وطلبت أمريكا 100 مليون جرعة قبل نهاية يونيو، وطلبت كندا 38 مليون جرعة،  200 مليون جرعة للاتحاد الأوروبي قبل نهاية السنة ، وحوالي 200 مليون جرعة للدول نامية.

وحسب تقرير نشرته مجلة "نيتشر" العلمية فاللقاح ده الهدف الأساسي منه توفير تحصين لعدد أكبر من الناس خصوصا إن اللقاحات المستخدمة حاليا بتحتاج لجرعتين فيه بينهم أسابيع عشان توفر للجسم الحماية اللازمة.

ومن المتوقع إن "جونسون أند جونسون" خلال الأسبوع ده تقدم على الترخيص الطارئ من إدارة الغذاء والدواء الأمريكية "FDA" عشان يبقى من ضمن لقاح "موديرنا" و"فايزر" و"بايونتك".

لقاح "جونسون أند جونسون" ممكن يتم الاحتفاظ به في درجات الثلاجة العادية، وده اللي بيسهل عملية توزيعه، ولكن لسه الشركة لحد دلوقتي بتعمل اختبارات منفصلة عشان تعرف تأثير الجرعتين للقاح بدل الجرعة الواحدة.

Comments: