تفاصيل الموسم الثاني من Warzone

17/02/2021

كتب: محمود عادل

تم إصدار الفيديو الدعائي للموسم الثاني من Call of Duty: Warzone واللي بيشترك بردو مع Black Ops: Cold War، والموسم هيبدأ يوم 25 فبراير بالتزامن مع اقترابنا من نهاية الموسم الأول بعد أسبوع تقريبا.

الفيديو بيعرفنا على 3 شخصيات جديدة وهما "وولف وريفاس وناجا" مع فرانك وودز وشخصيات تانية، وهما بيحاولوا يتسللوا لجزيرة لاوس لإنقاذ راسل أدلر بعد ما تم اختطافه من ستيتش.

بالإضافة لظهور أسلحة جديدة، ولكن نتمنى متسببش مشاكل زي ما ظهر Mac 10 والـ DMR اللي كانوا سبب في تذمر كتير من اللاعبين بسبب قوتهم، الشيء اللي كان غريب في الفيديو، هو ظهور سلاح أشبه باللي بيستخدمه juggernaut، فا هل تتوقعوا يكون السلاح ده من ضمن أسلحة الموسم الجديد؟ 

ولكن السؤال اللي الناس كلنا بتفكر فيه، هل بعد ما مر سنة تقريبا على Warzone، هتكون لاوس هي الخريطة الجديدة؟ 

دي حاجة لسا غير مؤكدة، ممكن خريطة لاوس الجديدة واللي ظهرت في فيديو الموسم التاني تبقى زي Rebirth Island، أو تبقى الخريطة الجديدة بدلا من Verdansk.. توقعي الشخصي إن الخريطة اللي ظهرت في الفيديو مش كبيرة بالشكل الكافي عشان تحل محل الخريطة الأساسية.

Comments: