"فكرتك" أكبر منصة من ڤودافون لتمكين المرأة "بالتزامن مع حصولهم على الختم المصري للمساواة بين الجنسين

11/03/2021

العالم كله بيحتفل بيوم المرأة العالمي يوم 8 مارس كل سنة، ومن ضمن الاحتفالات دي تعاونت شركة فودافون مع سفير علامتها التجارية محمد صلاح عشان تعبر عن دعمها المستمر لرائدات الأعمال وده من خلال إطلاقها "منصة فكرتك".

لكن خلينا نعرفك الأول بـ"منصة فكرتك" وهي عبارة عن أكبر منصة لتمكين المرأة في مصر وده بالتعاون مع المجلس القومي للمرأة وهيئة الأمم المتحدة للمرأة، "منصة فكرتك" بتستهدف السيدات اللي بيتميزوا بالتوجه الريادي وده من خلال إتاحة الفرصة لتحويل أفكارهم لواقع. وبيدعم المجلس القومي للمرأة "منصة فكرتك" في إطار جهوده لتمكين المرأة اقتصاديا ودعم مشاركتها في سوق العمل ومنحها الفرصة لإثبات ذاتها وقدراتها ، ومساندتها نحو مستقبل أفضل لها ولأسرتها. والشراكة دي مع المجلس القومي للمرأة وهيئة الأمم المتحدة للمرأة في إطار برنامج  "تمكين المرأة الاقتصادي من أجل النمو الشامل والمستدام"، واللي بيتم تنفيذه بدعم من حكومة كندا، والأفكار الفائزة عبر "منصة فكرتك" هتستفيد من فرص التدريب والإرشاد والتوجيه اللي ييقدمها مركز ريادة الأعمال والابتكار التابع للجامعة الأمريكية في القاهرة.

والإعلان بيظهر فيه صلاح وهو بيتكلم مع بنته مكة وبتبدأ تسأله لو كان فيه حاجة ماتقدرش تعملها و بيرد عليها محمد صلاح بمجموعة من الجمل التحفيزية عشان يمحي كل شكوكها ويطمنها بجمل تشجيعية لطيفة، وبيبدأ يشرح لها إزاي تقدر تحقق أحلامها عن طريق إنه يشجعها على إنها ماتقيدش نطاق تفكيرها وتتحدى التوقعات أو التصورات النمطية اللي بيفرضها عليها المجتمع.

الإعلان كمان بيضم مجموعة من النساء المؤثرات اللي حققوا إنجازات في مجالات مختلفة سواء في الرياضة أو الموضة أو العلوم والفنون زي:

1- فرح الديباني: مغنية الأوبرا اللي حصلت على جوائز عالمية

2- ميار شريف: بطلة مصر في التنس

3- آية وموناز: مصممتان ماركة أزياء عالمية

4- إلهام فضالي: باحثة علمية فازت بجائزة إنجاز العام للفيزياء في 2020

 إعلان فودافون كمان أكد على أهمية التواصل مع الأجيال الأصغر أو الأجيال الشابة عشان يأكدوا على مفاهيهم وقيمهم الأساسية وده حصل عن طريق محمد صلاح واللي بيعتبر من أشهرو انجح النماذج في جيله ومن أكتر النماذج المؤثرة في العالم وبيتضرب به المثل في مدى احترامه للسيدات وإيمانه بيهم وبقدراتهم وده اللي كان بيعكسه الحوار اللي بيدور بينه وبين بنته مكة .

ويعتبر محمد صلاح في الإعلان قدوة أو مثال لشباب جيله في طريقته اللي المفروض يتعامل بيها الرجال مع أطفالهم خصوصا لو كانوا البنات وبيوضح الدور المهم اللي بيلعبه الأب في بناء ثقة بناته في نفسهم ويغرس فيهم قيمة تقدير الذات من وهم لسه صغيرين.

وفي نفس وقت الإعلان، تم تكريم ڤودافون كأول شركة اتصالات تحصل على الختم المصري للمساواة بين الجنسين وده بيأكد إن الإعلان مبني علي إيمان ڤودافون بأهمية دور المرأة في المجتمع.

Comments: