العلاقات الغير مُعرفة: إزاي تعرفها وتنفد بجلدك منها وهتتعلم إيه بعد ما تخلص!

01/04/2021

أكيد ولو لمرة في حياتك اتحطيت في "إحنا مش عارفين إحنا إيه" زوون، لا عارفين إنتوا صحاب عادي ومفيش بينكوا حاجة ولا حاسين حاجة من ناحية بعض ولا مرتبطين، بغض النظر عن إنكوا مش عارفين توصفوا العلاقة دي للناس فأنتوا اصلا مش عارفين تصنفوها لنفسكوا.

وفي الغالب اللي بيحصل في العلاقات اللي زي دي إن فيه طرف بيتعلق بالطرف التاني أو بيحس بمشاعر من ناحيته والطرف التاني بيبقى متردد أو مش حاسس حاجة وبالتالي بتبقى علاقة "توكسيك" من اللي بنسمع عنهم على الإنترنت أو زي اللي عدينا بيهم قبل كده.. فاكرهم؟

موقع "puckermob" قال في واحد من مقالاته إزاي تعرف وتنفد بجلدك من علاقة غير معرفة أو مالهاش وصف معين عن طريق:

1- أطلب اللي أنت عايزه:

لما بتحب حد فبتبقى عايز تقول للعالم كله إنك بتحبه وتعرف الناس إن الشخص ده بتاعك، ولو ده فعلا الشئ اللي أنت حاسه فأنت من حقك تطلبه وتوصح بتطلبه ليه لإن بالرغم إن العلاقات بتدعم فكرة عدم الأنانية والمشاركة إلا إنك مش المفروض تنسى نفسك.

2- ابعد لو الشخص مادكش اللي أنت عايزه:

ماترضاش بحاجة أنت مش عايزها، وطبعا بلاش تتجاهل مشاعرك عشان تضحي من أجل سعادة حد لإنك مش بتضحي إنت كده بتجهز لنفسك حسرة ووجع قلب كبار، أو غضب لما يمشوا عشان فيه حد تاني عاجبهم وممكن يدخلوا معاه علاقة.

3- لو مش عايزك دلوقتي، فاحتمال كبير مايبقاش عايزك في المستقبل:

لو رفض إنه يرد عليك بإجابة واضحة لما تسأله إحنا صحاب ولا لا فخليك عارف إنها علامة واضحة إنه مش هيقول أبدا، وبالرغم إنك بتبقى عايز تتمسك بيه وتديله حب واهتمام وحنان عشان تكسب حبه إلا إن ده مش هيساعدك ده هيغرقك أكتر.

4- أنت بتأذي نفسك:

على قد ما أنت شايف إن الشخص اللي عاملك بالطريقة دي غلطان عشان حطك في علاقة مزيفة وغير معرفة بس خليك عارف إن أنت كمان سمحت للشخص ده إن يعمل كده، أه شوية هتتصاب بخذلان وخيبة أمل تجاه الشخص عشان مش عايزك بس أحسن ما تحس بخذلان وخيبة أمل من نفسك وقت أطول.

5- ممكن مايبقاش منطقي، بس مش كل الناس هتحس نفس المشاعر تجاهك:

هتبقى شخص جميل وممتع ولطيف وممكن مايحصلش بينكوا كيمياء، وده لإن الكيمياء اللي بين البشر بتبقى شئ غريب وغامض مالهاش تفسير، وعلى قد ما أنت حلو ممكن اللي بتحبه مايحسش بيك.

6- المسامحة هي الكنز اللي هتطلع بيه:

لو كنت مش مبسوط في علاقة مش متوصفة ولا ليها تعريف أو بعد ما تنهيها عندك شخصين عشان تسامحهم، الشخص اللي ماعرفش العلاقة وأنت وعشان تسامح الأتنين محتاج شوية وقت، بس الغفران والمسامحة شئ صحي، بس أهم حاجة تسامح من غير ما تنسى 

7- بالرغم الآلام فالعلاقة المزيفة دي جهزتك للعلاقات المستقبلية:

بالرغم من اللي عديت بيه فأنت استعديت بالطريقة الصعبة إنك ماتقبلش النوع ده من العلاقات تاني، وإنك تعرف إنك أحسن من اللي شايف نفسك ممكن تحصل عليه، وبقيت شخص قادر يفهم الناس وتعاقب اللي ممكن يفلت إنه يرفض يديك إجابة مباشرة بوصف العلاقة، وبالنسبة للعلاقات اللي في المستقبل ده مش هيتكرر فيها تاني عشان الناس بتتعلم من أخطائها حتى لو خسروا.

Comments: