ملخص قصة الاعتداء على طفلة كرداسة!

01/04/2021

من يومين نشر  الصحفي "أحمد جمال زيادة"  إن بنت أخته الطفلة اللي عندها 8 سنين تعرضت لاعتداء جنسي من جارهم اللي عنده 19 سنة


وبداية اكتشاف الموضوع  طبقًا لرواية الأم إنها "الأسبوع اللي فات طلبت من أختي اللي هي خالة الطفلة وعندها 13 سنة تنزل تشتري حاجات من السوبر ماركت اللي قدام العمارة، واتفاجأت إنها رفضت ولما سألتها إيه السبب قالتلي مش هنزل وعادل موجود في المحل، وفضلت ورا أختي لحد ماقالتلي إن عادل بيعمل حاجات مش كويسة مع أسيل اللي هي الطفلة الضحية"

وبدأت الأم تتكلم مع بنتها وقالت "بنتي ماحكتش ليا غير بعد ماطمنتها وفهمتها إنها مش غلطانة ولازم تقول الحقيقة، لقيت أسيل بتحكي إنه اعتدى عليها جنسياً بشكل كامل وخافت تقولي عشان ماضربهاش"
وده كان بيتم في شقة في العمارة اللي احنا ساكنين فيها، وإنه بيستغل تجمع الأطفال في مدخل العمارة عشان يلعبوا  وبيستدرج الطفلة لشقة ويعتدي عليها.

وعرضت الأم الطفلة على طبيب واللي أكد رواية الطفلة وإنها تعرضت لاعتداء أكتر من مرة.
الأم واجهت أهل المعتدي في الأول لأنهم جيران وفي بينهم صلة نسب وقرابة وقالولها " يستاهل الحبس، وهنقف معاكي"، بس بعد كده هربوه واختفى من المنطقة تمامًا
وحررت الأم محضر وقدمت بلاغ في النيابة العامة، وحاليًا بيتم البحث عن المتهم الهارب 

ووالدة المتهم نشرت فيديو بتقول "إن دي تهمة ملفقة لابنهم، وإن والدة الطفلة طمعانة في البيت اللي هم ساكنين فيه، وإم ابنهم مؤدب ومستحيل يعمل ده، وأكيد الأم ليها مصلحة عشان تتهمه اتهام زي ده"

حاليًا جاري البحث عن المتهم لأنه هربان، والنيابة بتتابع تحقيقاتها في القضية، بعد صدور تقرير الطب الشرعي من ساعة واللي أثبت إنها تعرضت لهتك عرض جزئي في غشاء البكارة .

Comments: