مين هو " زي" اللي في مسلسل لعبة نيوتن؟

18/04/2021

من بداية ظهوره في الحلقة التانية من مسلسل لعبة نيوتن، ناس كتير سألت مين هو الشاب المصري اللي بيتكلم عربي مكسر اللي مش طايق منى زكي!

ومع زيادة دوره في الحلقات اللي بعدها حبينا نقولكوا شوية معلومات عن " زي" أو آدم الشرقاوي

اسمه الحقيقي هو “محمود الشرقاوي”، بس إسم الشهرة هو  آدم الشرقاوي

ودي صفحته على موقع IMDB

أسرته من قرية منية المرشد التابعة لمركز مطوبس في كفر الشيخ
صورة ليه وهو صغير 

والده أستاذ قانون واسمه الدكتور خالد الشرقاوي، وله أخت واحدة اسمها ليندا

حاليًا هو مقيم في ولاية كاليفورنيا في أمريكا

كانت بداية ظهوره سنة   2009 في مسلسل “Disney XD’s Sky Runners Testimonials”، وبعدها توقف عن التمثيل لفترة ورجع سنة 2018  من خلال فيلم قصير إسمه “It’s the AZN”.

وفي السنة اللي بعدها شارك مجموعة  أفلام منها “Low Low” و”Cuck” و”Clown”،  وفي 2020  اشترك في فيلم “86 Melrose Avenue”.

ومخرج المسلسل "تامر محسن" قال عنه  في تصريح تلفزيوني  إنه فوجيء بيه في الكاستينج ولقاه مناسب جدًا للدور، وإنه ممثل موهوب عنده  كاريزما وتنبأ ليه بمستقبل باهر.
 

وإحنا بنقولك استجدع يا "زي" مع "هنا" وخلي بالك منها وبلاش من الحركات زي الحركة لما سبتها في الشارع.. عشان إحنا بنراقبك وهنراقبك!

Comments: