حملة جديدة على التيك توك ضد استغلال الأرانب في تجارب مستحضرات التجميل 

21/04/2021

حيوانات التجارب مش بس بيتم استخدامها للأدوية والتجارب الطبية دي بيتم استخدامها لتجربة مساحيق ومستحضرات التجميل من شركات مستحضرات تجميل عالمية وخصوصا الأرانب هي اللي بتتعرض للحملات دي أغلب الوقت.

عشان تقرر شركات منتجات المكياج إنها تخرج إنتاج منتج بيستخدموا الحيوانات وخصوصا الأرانب عشان يجربوها عليه عشان يتم إخفاء الهالات السودا والتجاعيد وعلامات الإرهاق وده بيسبب للحيوانات مشاكل صحية كبيرة وآلام جسدية صعبة بسبب المواد الكيميائية الضارة اللي بيتعرضوا لها.

بدأت التجارب على الفئران في الأربعينيات وظهر وقتها اختبار اسمه "دريز"، وهدفه هو اكتشاف مدى سمية المنتجات قبل ما يتم إدخالها في الصناعات التجميلية، وعشان تثبت صلاحية الاختبارات لازم يتم تجريد الأرانب من فروها ويتم تكتيفها من ايدها ورجلها بقوة، وبتستمر التجارب دي لمدة 14 يوم، لحد ما تظهر النتائج النهائية، واللي بتأثر على الأرانب بأمراض زي القرح في العين والجسم وأوقات بتسبب لهم تورم ونزيف وممكن توصل للعمى نتيجة حقن المنتجات بجفن العين.

اختبار "دريز" اللي أسسه 2 من متخصصي السموم في مؤسسة الغذاء والدواء الفيدرالية في أمريكا، جون إتش درايز وجاكوب إم، وقتها التجارب اقتصرت على حقن الحيوانات بالمواد المخدرة في الأول عشان الألم، وكان بيتم الابتعاد عن تجارب أي مواد كيميائية ضارة على طريقة «دريز»، عشان يقللوا حجم الأضرار

لكن ليه الأرانب بالذات؟ عشان أولاً حجمها صغير وبتتكاثر كتير ده غير إنها مابتعملش شغب وقت ما بيتم التجارب عليها وبتثبت، ومن الناحية الطبية عين الأرانب مابتدمعش وقت التجارب، على عكس الإنسان، وبتتحمل العين التجارب أكثر من مرة.

ومع مرور الوقت وانتشار فكرة حماية حقوق الحيوان ودعم المستهلكين عالميًا لمستحضرات التجميل اللي بتكون خالية من التجارب، خصوصا في آخر 25 بقيت الدول ملزمة إنها تحط ح للانتهاكات الحيوانية اللي بتم، لإن فيه 115 حيوان بيخضع للتجارب في السنة.

وولاية كاليفورنيا كانت أول الولايات اللي طالبت باستخدام اختبارات سلامة المنتجات بعيد عن الحيوانات، واللجوء للتجارب الحيوانية بس في الحالات القصوى زي صناعة الدواء، وبعد فترة انضمت دول كتير في أوروبا كمان وبعدها الهند وبعدهم البرازيل وفيتنام ونيوزيلندا والأرجنتين والصين.

وللأسباب دي كلها ظهرت حملة جديدة على تيك توك ضد استغلال الأرانب في تجارب مستحضرات التجميل وبدأ مستخدمين التيك توك يصوروا نفسهم فيديوهات وهما بيحطوا مستحضرات تجميل ويستخدموا فيديوهات للأرانب أثناء التجارب لتوعية الناس وتشجيعهم إنهم مايشتروش أي مستحضرات تجميل تم تجربتها على الأرانب للضغط على شركات مستحضرات التجميل إنهم يوقفوا استخدام الأرانب في التجارب.

Comments: