التفاصيل الكاملة لإطلاق لعبة (Battlefield 2042) الجديدة

09/06/2021

ناس كتير كانت مستنية الجزء الجديد من باتلفيلد بعد مرحلة تطوير للعبة استمرت لـ 3 سنين تقريبا.

النهاردة شركة EA و DICE طرحوا الفيديو الدعائي للجزء الجديد واللي بيحمل اسم "Battlefield 2042" والتريلر كان مبشر بشكل كبير وفيه أفكار جديدة وتغييرات هتخلي اللعبة في مكانة مختلفة لإن في حاجات جديدة، لاعبين باتلفيلد هيكونوا لأول مرة بيشوفوها في السلسلة.

قصة اللعبة بتدور عن حدوث نقص في المياه والأكل والطاقة، عمل كارثة بتهدد البشرية، وده بدوره خلانا نشوف مجموعة اسمهم Non-patriated واللي هينضموا للولايات المتحدة وروسيا اللي هيعملوا حرب جديدة، والمجموعة دي هتنضم لأطراف الحرب اللي هما أمريكا وروسيا بس هيكون ليهم هدف واحد وهو إنهم يحافظوا على حياتهم ومستقبلهم مش عشان يدافعوا عن أي طرف.

باتلفيلد 2042 هيتوفر فيها 7 خرائط في 7 دول مختلفة

مصر: هيحصل فيها تصارع بين عدة قوى عشان يتم السيطرة على مركز زراعي تكنولوجي في الصحراء الشرقية

قطر:

كوريا الجنوبية:

سنغافورة:

غينيا الفرنسية:

الهند:

أنتاركتيكا أو القارة القطبية الجنوبية:

اللعبة هيكون فيها أكبر خرائط على مدار السلسلة لها، واللي هيكون فيها 128 لاعب ولكن ده متوفر على أجهزة الجيل الجديد فقط، الأجهزة القديمة هيبقى أقصى عدد في الخريطة هو 64 لاعب وطبعا هيتم تقليل مساحة الخرائط في أجهزة الجيل القديم

وهيكون فيه معارك على نطاق شاسع، وده بيجي مع حالة جو متغيرة خلال اللعبة، زي العواصف الرملية والأعاصير، يعني الموضوع هيكون واقعي لدرجة كبيرة جدا.

اللعبة هيتم طرحها بشكل رسمي يوم 22 أكتوبر على أجهزة الجيل القديم زي PS4 و Xbox One بسعر 60 دولار، يعني حوالي 950 جنيه مصري.

وعلى أجهزة الجيل الجديد زي PS5 و Xbox Series والحاسب الشخصي هيبقى سعرها 70 دولار يعني حوالي 1100 جنيه مصري.

Comments: