ملخص قصة التعدي على مسن من محصل بأتوبيس نقل عام!

09/06/2021

انتشر فيديو على فيسبوك لمحصل (كمسري) في أتوبيس نقل عام بيعتدي لفظيًا وجسديًا على راجل مسن 

والبداية كانت لما الراجل المسن أخرج كارنيه الاشتراك السنوي للمحصل، ولكن بعدها طلب منه بطاقته، فرفض الرجل المسن وقال "أنا هكدب عليك يا ابني" ورد المحصل  «آه وقوم أقف الأتوبيس مش هيتحرك، إنت راجل كبير و مهزء، ماحترمتش نفسك وبتتعدى على موظف أثناء تأدية عمله" وبيرد الراجل  "عيب أنا عندي 70 سنة وفيا اللي مكفيني، حرام عليك أنا بنتي لسه ميتة"
والمحصل بيرد عليه "تموت ولا تروح في داهية، ما أنت بتتعدى على راجل عنده 57 سنة وأنا في الأصل أحسن منك ومن أهلك كمان" ورد الرجل المسن «أنا غلطت فيك إزاي، طيب يا ابني أنا آسف أنا راجل كبير قد أبوك».

وبعد انتشار الفيديو صرح اللواء "رزق علي" رئيس هيئة النقل العام بالقاهرة، أنه بعد الاطلاع على  الفيديو المتداول تقرر وقف الكمسري عن العمل وتحويله للشؤون القانونية لاتخاذ الإجراء القانوني بعد التحقيق معه عما بدر منه من ألفاظ تجاه المواطن، مشيرًا إلى أنه في حال ثبوت ما بدر منه سيتم توقيع جزاء عليه.

وأضاف أن هيئة النقل العام تعمل في خدمة المواطن، ولا تقبل بأي تجاوز أو تطاول في حق أي راكب، لافتًا إلى أن الكمسري سيوضح حقيقة ما حدث في التحقيقات.وإنه في  تيسيرات على المواطنين من كبار السن، خاصة لمن هم فوق سن السبعين، والذين يستقلون أتوبيسات الهيئة مجانًا شريطة أن يكون معه كارنيه الهيئة لإبرازه لأي محصل.

Comments: