6 مسلسلات لازم تشوفها من إخراج “كاملة أبو ذكري”

1- مسلسل بنت اسمها ذات

المسلسل بيحكي عن مصر والظروف اللي بتمر بيها السياسية في خلال أخر 60 سنة لحد قيام ثورة يناير من خلال بنت اسمها “ذات” بنعيش معاها حياتها وبنشاركها تفاصيلها.

2-مسلسل سجن النسا

المسلسل بيحكي قصة مجموعة ستات مالهمش علاقة ببعض لكن بيشتركوا في حاجة واحدة إنهم حصلهم حاجات في حياتهم وصلتهم في الأخر لدخول السجن وبنعرف قصة كل واحدة منهم وأسبابها ودوافعها وهينتهي بيهم الحال إزاي.



3-مسلسل واحة الغروب

المسلسل بتدور أحدائه في أواخر القرن ال 19 وقت الاحتلال البريطاني لمصر والبطل “محمود عبد الظاهر” ضابط شرطة بيتم نقله لواحة سيوة كعقاب بعد شك السلطات فيه لدعمه أفكار جمال الدين الأفغاني الثورية وبنشوف قصته مع زوجته الأجنبية كاثرين وفرق الحضارات ما بينهم

4- مسلسل بطلوع الروح

المسلسل بيحكي قصة “روح” اللي بيخطفها جوزها لمكان في سوريا فيه مقر لداعش غصب عنها وبتحاول تهرب منه لكن بنشوف إيه اللي هيحصلها لما تحاول تهرب.

5- سيت كوم 6 ميدان التحرير

المسلسل بيحكي عن مجموعة ناس عايشين في نفس البانسيون في ميدان التحرير وكل يوم بيتعرضوا لمواقف كوميدية مختلفة.

6- مسلسل بـ100 وش

المسلسل بيحكي عن “عمر” و”سكر” و الاتنين نصابين بس كل واحد نصاب بشكل مختلف بيحصل موقف بيخليهم يعرفوا بعض وبيتفقوا مع بعض يعملوا عملية نصب كبيرة بس لازم يبقى معاهم عصابة تساعدهم.