عمرها 182 سنة.. أول صورة سيلفي في التاريخ

21/06/2021

"السيلفي هي صورة بيلتقطها الشخص لنفسه يا إما باستخدام هاتف ذكي أو كاميرا ويب وتحميل الصورة على موقع للتواصل الإجتماعي" ده تعريف كلمة "سيلفي" في قاموس أوكسفورد واللي تم إضافة الكلمة فيه في عام 2013.

حسب موقع medium، أستراليا بتقول إنها هي أول من روج لمصطلح "سيلفي" في عام 2002 لما تم استخدام الكلمة على منتدى أسترالي من قبل شاب رفع صورة مصورها لنفسه.

ولكن مين أخد لنفسه أول سيلفي في العالم وحتى من قبل أستراليا؟ الإجابة هي الأمريكي "روبرت كورنيليوس" وهو مصور من ولاية بنسلفانيا لأب وأم مهاجرين من هولندا، وكان بيشتغل مع والده في شركة بتصنع المصابيح.

كورنيليوس في يوم من الأيام سنة 1839 قرر يحاول يلقط صورة لنفسه خارج محل أبوه لتصنيع المصابيح، رايح جايب كاميرته وفضل قاعد لمدة ربع ساعة ثابت قدام الكاميرا وهي بتصوره، وحسب موقع medium، فا صورة كورنيليوس مكنتش أول صورة سيلفي بس، لا دي أول صورة لشخص أو Portrait في العالم كله.

Comments: