وفاة مكافي مبتكر برنامج مكافحة الفيروسات منتحرا في محبسه

24/06/2021

أعلن محامي رجل الأعمال الأمريكي "جون مكافي" وفاته منتحرا في سجن من سجون برشلونة عن عمر ناهز 75 عاما، بعد ما قررت المحكمة العليا الأسبانية تسليمه للولايات المتحدة بعد 9 شهور قضها في السجن.

وزارة العدل التابعة لحكومة إقليم كاتالونيا قالوا إن الأطباء حاولوا إنقاذ حياته لكنهم فشلوا، ولكن سبب الوفاة لسا قيد التحقيق.

كان هيتم تسليم مكافي للولايات المتحدة عشان تتم محاكمته وقال الشهر اللي فات خلال جلسة محاكمته إن لو تم تسليمه لأمريكا فا هيقضي باقي عمره في السجن

وأضاف مكافي: "أتمنى إن المحكمة الأسبانية تشوف مدى الظلم اللي بيحصلي، الولايات المتحدة عايزة تخليني عبرة لغيري".

مكافي قضى وقت سنوات طويلة هربان من أمريكا على اليخت بتاعه، بعد اتهامه بالتهرب الضريبي والاحتيال في مجال العملات المشفرة

الشرطة الأسبانية كانت قبضت على مكافي في 3 أكتوبر اللي فات وهو مسافر لأسطنبول.

ثروة مكافي بلغت 4 مليون دولار وقت وفاته، بعد ما كانت 100 مليون دولار من 15 سنة.

حسب بي بي سي، مكافي كان بيقول إن في مؤامرة للقبض عليه وإن التهم الموجهة له ليها دوافع سياسية، ولكن المحكمة قالت إن مفيش دليل على الكلام ده،

في سنة 2012، مكافي اختفى فترة بعد ما هرب من بيته لإن الشرطة المحلية استجوبته بعد وفاة جاره، ونفى أنه له أي علاقة بالموضوع وإن هروبه ده جاء خوفا على حياته.

Comments: