الجزء الجديد من Call of duty عن حرب الخليج وأخبار تانية في الملخص الأسبوعي
مساء أو صباح على جيمرز جلوكال حسب وقت قراءتكم للموضوع ده، ده ملخص الأسبوع اللي بنتكلم فيه عن أهم الأخبار اللي حصلت خلال الأسبوع اللي فات في عالم الفيديو جيمز وما يخصه، خلونا نبدأ الملخص بأهم خبر حصل وهو فوز شركة مايكروسوفت في قضيتها ضد لجنة التجارة الفيدرالية FTC بخصوص صفقة الاستحواذ على شركة أكتيفجن بليزارد، واللي مش فاهم ده معناه إيه، فا ده بمثابة موافقة لشركة مايكروسوفت عشان تكمل عملية الاستحواذ.
تم الاعلان عن موعد إصدار لعبة EA Sports FC 24 واللي هيكون في 29 سبتمبر المقبل بسعر 99.99 دولار للـUltimate Edition وبسعر 69.99 دولار للنسخة Standard Edition
سوني أعلنت عن قائمة الألعاب الماجينة لمشتركي PlayStation Plus لشهر يوليو 2023 واللي هتبقى متوفرة من يوم 18 يوليو الحالي، تقدروا تعرفوا أكتر عن كل الألعاب من اللينك ده
لاعبين بلايستيشن كانوا متخوفين من صفقة استحواذ مايكروسوفت على أكتيفجن بليزارد لإن كان في كلام إن لعبة Call of duty هتكون حصرية على أجهزة إكسبوكس فقط وده بعد ما مايكروسوفت فازت في قضيتها ضد لجنة التجارة الفيدرالية FTC واللي كانت بالبلدي كده موقفة اتمام الصفقة، ولكن مايكروسوفت أعلنت بشكل رسمي إنها وقعت إتفاقية مع سوني بتضمن بقاء اللعبة على أجهزة بلايستيشن ولكن ماكنش فيه أي تفاصيل أكتر عن الاتفاق.
We are pleased to announce that Microsoft and @PlayStation have signed a binding agreement to keep Call of Duty on PlayStation following the acquisition of Activision Blizzard. We look forward to a future where players globally have more choice to play their favorite games.
— Phil Spencer (@XboxP3) July 16, 2023
وباستكمال الكلام عن Call of duty، الممثل Luke Charles Stafford قال إن شركة أكتيفجن هتستخدم مظهره للشخصية الرئيسية في اللعبة الجاية واللي من المفترض يتم طرحها في 2024
الكلام ده نشره Luke في بوست على صفحته في فيسبوك ومسحه بعدها ولكن بعض التسريبات بتقول إن اللعبة الجاية هتكون تكملة للعبة Call of duty: Cold War وأحداثها هتكون عن حرب الخليج.
شركة يوبيسوفت قررت تاخد الفيديو جيمز في حتة جديدة وأعلنت عن بدلة للعبة Assassin’s Creed Mirage هتخليك تحس بكل حاجة بيحس بيها الشخصية الرئيسية في اللعبة “باسم” وهتكون متاحة لكل إصدارات اللعبة سواء الكمبيوتر أو بلايستيشن أو إكس بوكس.
Where mirage meets reality… Discover the Assassin’s Creed Mirage haptic system in collaboration with @owogameofficial
Learn more: https://t.co/z7zGWfZTQA pic.twitter.com/WZNMNalRx2— Assassin’s Creed (@assassinscreed) July 13, 2023
