موعد إطلاق Call of Duty: Warzone 2 وأخبار تانية في الملخص الأسبوعي
مساء الفل وملخص جديد للأخبار اللي عرفناها خلال الأسبوع اللي فات في عالم الفيديو جيمز الجميل اللي خلونا نبدأ بيه بأخبار انتشرت مؤخرا عن موعد طرح Call of Duty: Warzone 2 بعد تداول مستند يقال إنه خطة إصدارات شركة Activision Blizzard للفترة المقبلة، كان ضمنها لعبة Call of Duty: Warzone 2 مدرجة في الجدول بمعاد 16 نوفمبر القادم ولكن ده طبعا كلام مش رسمي ولكنه ممكن يكون صحيح بنسبة كبيرة، خصوصا إن السيزون الحالي هيخلص في 16 نوفمبر.. نتمنى يتم تأكيد الكلام في أقرب وقت.
Breaking: An internal document image has leaked revealing Warzone 2 launch date as November 16th
Image shared on r/classicwow Reddit pic.twitter.com/JUe3fx1G0M
— CharlieIntel (@charlieINTEL) August 16, 2022
وطرحت بلايستيشن تريلر النسخة المُحسنة من لعبة The Last of Us 1 اللي هيتم إطلاقها في 2 سبتمبر القادم على جهاز PS5 وكمان نسخة الـ PC قيد التطوير حاليا.
شركة Bandai Namco كشفت في تقريرها المالي الأخير أن لعبة Elden Ring باعت 16.6 مليون نسخة منذ إطلاقها في فبراير 2022 وده بيخليها اللعبة الأكثر مبيعا لشركة الألعاب اليابانية FromSoftware
في معرض Gamescom 2022 تم الاعلان عن موعد البيتا المغلق الخاص بلعبة Outlast Trial واللي هيكون متاح من 28 أكتوبر لـ 1 نوفمبر من العام الحالي، بالإضافة لتريلر جديد للعبة عن أسلوب اللعب الخاص بيها.
